Gabay sa user: mUSD
mUSD, o MetaMask USD, ang opisyal na stablecoin ng MetaMask. Ang mUSD ay naka-peg nang 1:1 sa US dollar at may stability ng USD at seguridad ng MetaMask. Ginawa ang mUSD sa pakikipagtulungan sa Bridge at pinapagana ito ng M0 protocol.
Ang mga stablecoin ay mga cryptocurrency na naka-peg sa mga fiat currency gaya ng US dollar. Nagbibigay-daan ito para manatiling matatag at madaling hulaan ang presyo nito, kaya hindi na kailangang manghula at hindi na naaapektuhan ng pagbabago-bago ng presyo ang pag-trade ng cryptocurrency.
Ang [mUSD]((https://metamask.com/price/metamask-usd) ay sinusuportahan ng US dollar, kaya karaniwang nananatili ang presyo nito na ilang decimal place lang sa USD.
Sa mUSD, puwede kang kumita ng mga eksklusibong reward, sumali sa mga natatanging promosyon, at makipagtransaksyon nang walang aberya nang hindi umaalis sa MetaMask.
Ang mUSD din ang opisyal na token ng Money account, isang bagong karanasan sa account na nagbibigay-daan sa iyong kumita ng APY sa mUSD mo.
Paano ako makakakuha ng mUSD?
May ilang madaling paraan para makakuha ng mUSD. Para sa mga user sa mga kwalipikadong rehiyon, nagbibigay ang Money account ng madadaling hakbang para makakuha ng mUSD. Sundin ang mga hakbang sa artikulo ng Money Account para magsimula.
Para sa ibang mga user, puwede mong i-swap sa mUSD ang ibang mga token, o direktang bumili ng mUSD.
I-swap
Puwede kang mag-swap ng maraming token at stablecoin tungong mUSD. Para magsimula, pumunta sa homepage ng MetaMask Mobile. I-click ang 'I-swap'.
Piliin ang token at kung mula saang network mo gustong mag-swap.
Sa ikalawang field, piliin ang mUSD at ang network kung saan mo ito gustong i-swap.
Ilagay ang halaga ng unang token na gusto mong ipagpalit. Ipapakita nito sa iyo kung ilang mUSD ang matatanggap mo sa halagang iyon.
Kapag okay na sa iyo ang mga detalye ng Pag-swap, i-click ang 'I-swap'.
Bumili
Puwede ka ring bumili ng mUSD gamit ang cash. Mula sa MetaMask Mobile, i-click ang 'Bumili' sa homepage, o mula sa page ng detalye ng mga mUSD token.
Piliin ang mUSD at ang network kung saan mo gustong matanggap ang token, at ilagay ang halaga.
I-verify kung saang account mo gustong matanggap ang mga token mo, at kung tama ang rehiyon mo.
Piliin ang gusto mong paraan ng pagbabayad.
Mula roon, dadalhin ka sa platform ng provider para kumpletuhin ang pagbili mo, o tatapusin mo ang pagbili mo sa mismong MetaMask kung gumagamit ka ng Transak.
Ano ang puwede kong gawin sa mUSD?
Kumita ng APY sa Money Account
Ideposito ang mUSD mo sa Money Account para kumita ng arawang APY sa mUSD mo. Pinapagana ito ng MetaMask at ng Monad network. Sundin ang mga hakbang sa artikulo ng Money Account para magsimula.
Gumastos at kumita gamit ang MetaMask Card
mUSD ang opisyal na token ng MetaMask Card. Sa bawat kwalipikadong transaksyon sa MetaMask Card, may maibabalik sa iyong 1% mUSD, o 3% mUSD gamit ang Metal card.
Madali mong mapopondohan ang card mo ng mUSD sa MetaMask Mobile (bersyon 8.0 o mas bago). I-tap ang 'Money' sa ibabang navbar para buksan ang Money Account mo, i-tap ang 'Card', saka ang 'Baguhin ang Asset' para magtakda ng limitasyon sa paggastos para sa mUSD.
Magpahiram ng mUSD
Puwede kang magpahiram ng mUSD sa Mainnet ng Ethereum, Linea, at Monad gamit ang mga market sa pagpapahiram ng Aave para sa mga reward.
Kapag nagpahiram ka ng mUSD, magsisimulang kumita ng mga reward ang mga ipinahiram mong token araw-araw. Mawawala sa account mo ang mga ipinahiram mong token hanggang sa i-claim mo ang mga ito. Samantala, makakatanggap ka ng katumbas na dami ng mga amUSD token.
Ituring ang amUSD bilang resibo para sa ipinahiram mong mUSD. Kumakatawan ang bawat amUSD token sa bawat mUSD token na ipinahiram mo sa 1:1 na ratio, at kapag isinauli ang amUSD, mawi-withdraw mo ang ipinahiram mong mUSD sa 1:1 na ratio.
Halimbawa, kung magpapahiram ka ng 100 mUSD, makakatanggap ka ng 100 amUSD na hahawakan mo hanggang sa handa ka nang i-withdraw ang ipinahiram mong mUSD. Kapag nag-withdraw ka, ilalagay mo ang halaga ng amUSD na gusto mong ibalik, halimbawa, 50 amUSD, at makakatanggap ka ng 50 mUSD.
Habang kumikita ng mga reward ang ipinahiram mong mUSD, awtomatikong madaragdagan ang halaga ng amUSD na hawak mo dahil kasama na rito ang mga reward na kinita mo.
Puwede mong i-trade ang amUSD mo. Para sa karagdagang impormasyon sa Mga aToken, basahin ang aming gabay dito.
Kapag handa ka nang matigil na kumita ng mga reward at i-withdraw ang ipinahiram mong mUSD, magagawa mo ito anumang oras. Mula sa page ng mga detalye ng aToken, i-click ang 'I-withdraw'.
Makikita mo ang halaga ng token na ipinahiram mo; kung gusto mong pumili ng ibang token, i-click ang dropdown menu.