Paano i-install ang MetaMask

Ano ang MetaMask?

Ang MetaMask ay isang web browser extension at mobile app na nagbibigay-daan sa iyo na pamahalaan ang iyong Ethereum, Solana, Bitcoin, at mga pribadong key ng ibang blockchain. Sa pamamagitan nito, nagsisilbi itong wallet client para sa ETH at iba pang token, at nagbibigay-daan sa iyong makipagtransaksyon sa mga decentralized application o dapps. Pinapanatili mo ang lahat ng kontrol sa iyong crypto-identity at mga pondo.

I-install ang MetaMask

• Browser extension
• Mobile app

Chrome

1. Bisitahin ang https://metamask.io/

2. Pindutin ang "I-download ang MetaMask" sa menu bar.

3. I-click ang "Chrome". Dadalhin ka sa Chrome Web Store.

4. I-click ang "Idagdag sa Chrome".

5. Sa pop up, i-click ang "Idagdag ang Extension".

Pagkatapos idagdag ng Extension ng MetaMask, awtomatikong bubukas ang MetaMask. Puwede mo ring tiyakin na madali itong ma-access sa iyong toolbar sa pamamagitan ng pag-click sa icon ng jigsaw sa kanang tuktok ng screen, at pagpindot sa pin icon.

Firefox

1. Bisitahin ang https://metamask.io/

2. I-click ang "I-download ang MetaMask"

3. Sa bagong window na bubukas, i-click ang "Idagdag sa Firefox"

4. Sa pop up, i-click ang “Add”

note

Huwag mabahala na nakalista ang Firefox plugin bilang na-publish ni "danfinlay"—isa siya sa mga pangunahing utak sa likod ng MetaMask!

Pagkatapos magdagdag ng MetaMask Extension, awtomatikong magbubukas ang MetaMask. Lalabas ang MetaMask sa browser mo; i-click ito para buksan ang MetaMask.

Edge

1. Bisitahin ang https://metamask.io/

2. I-click ang "I-download ang MetaMask".

3. Sa bagong window na magbubukas, i-click ang "I-download ang extension".

4. Sa pop up, i-click ang "Idagdag ang Extension".

Pagkatapos idagdag ng Extension ng MetaMask, awtomatikong bubukas ang MetaMask. Puwede mo ring tiyakin na madali itong ma-access sa iyong toolbar sa pamamagitan ng pag-click sa icon ng jigsaw sa kanang tuktok ng screen, at pagpindot sa pin icon.

Brave

1. Bisitahin ang https://metamask.io/

2. I-click ang "I-download ang MetaMask".

3. Sa Chrome Store na bubukas, i-click ang 'Idagdag sa Brave'.

4. Sa pop up, i-click ang 'Idagdag ang extension'.

Pagkatapos magdagdag ng MetaMask Extension, awtomatikong magbubukas ang MetaMask. Lalabas ang MetaMask sa iyong browser. Maaari mong i-click ito upang buksan ang MetaMask.

note

Kung magkakaroon ka ng isyu gaya ng ipinapakitang hindi naka-install ang MetaMask (kahit naka-install ito), baka kailanganin mong i-disable ang naka-default na buit-in wallet ng Brave. Hindi gumagana nang maayos ang MetaMask kapag may ibang aktibong browser extension wallet.

1. Mag-click sa icon ng menu sa kanang itaas at piliin ang 'Mga setting'.
2. Piliin ang 'Web3' muila sa menu sa kaliwa.
3. Gawing 'Wala' ang 'Default na Ethereum wallet'.
4. I-restart ang Brave.

Una: huwag i-download ang MetaMask mula sa kahit saan maliban sa opisyal na app store na angkop sa device/OS mo. May mga na-clone na bersyon ng MetaMask na naka-program para i-record ang Secret Recovery Phrase mo sa sandaling magawa ito. Para iwasang maging biktima ng mga scam na ito, siguraduhing i-download ang opisyal na MetaMask app mula sa app store ng device mo, at hindi mula sa anupamang source.

iOS

1. Buksan ang App Store at pindutin ang search button sa kanang bahagi sa ibaba. I-input ang MetaMask sa search bar.

2. I-click ang "I-download" o i-tap ang pangalan ng app para malaman ang higit pang detalye. Kumpletuhin ang karaniwang proseso ng kumpirmasyon sa pag-download ng App Store.
3. Kapag na-install na, buksan ang app at sundin ang mga prompt para gawin ang iyong wallet.
4. I-back up ang Secret Recovery Phrase mo sa isang lugar na ligtas at offline!

Android

1. Buksan ang Play Store at hanapin ang "MetaMask". Ang opisyal na MetaMask app ay kamukha ng screenshot sa ibaba. MAGING MAINGAT na hindi ka mag-i-install ng pekeng MetaMask app! Tingnan iyong may 10M+ download.

2. I-tap ang 'I-install' at hintaying matapos ang proseso.
3. Kapag na-install na, buksan ang app at sundin ang mga prompt para gawin ang iyong wallet.
4. I-back up ang Secret Recovery Phrase mo sa isang lugar na ligtas at offline!

Puwede mo ring i-access ang extension store ng bawat browser at hanapin ang MetaMask. Anuman ang gusto mo!

Kapag na-install mo na ang MetaMask, puwede kang gumawa ng bagong wallet o gumamit ng dati nang wallet.

Puwede ko bang gamitin ang MetaMask sa bansa ko?

Makakagamit ng MetaMask ang sinuman mula sa kahit saang bansa sa mundo.

Ang MetaMask ay isang self-hosted na wallet na nakikipag-interaksyon sa Ethereum at iba pang mga blockchain sa pamamagitan ng mga node ng mga network na iyon. Ang Infura ay nagpapatakbo ng mga node para sa Ethereum at iba pang mga sikat na network bilang serbisyo. Para sa kaginhawahan, gumagamit ang MetaMask ng mga Infura node bilang default para magbasa at makipagtransaksyon sa Ethereum blockchain.

Ipinapamahagi nang libre ang MetaMask at idinisenyo ito para maiangkop, kaya makakapagpasya ang user na gumamit ng mga Ethereum node na hindi pinapatakbo ng Infura, o mga node na nauugnay sa ibang mga blockchain. Nasa user ng MetaMask ang buong pagpapasya.

Inaatasan ang Infura at ang lahat ng iba pang blockchain service provider na nakabase sa US na magpatupad ng mga sanction ng US. Mahigpit na sinusubaybayan ng Infura ang mga pagbabago sa mga programa ng sanction ng US na inaanunsyo ng Office of Foreign Assets Control at maingat nitong iniaangkop ang mga panloob na kontrol nito bilang pagsunod sa batas. Sa kasalukuyan, ang mga rehiyon na iyon ay Iran, North Korea, Cuba, Syria, at ang mga rehiyon ng Crimea, Donetsk, at Luhansk sa Ukraine.

Pondohan ang wallet mo

Kapag nagdagdag ka ng ilang token sa wallet mo, magagawa mong ganap na makapagsagawa ng transaksyon sa web3. Pagkatapos gawin ang wallet mo, makakakita ka ng prompt sa MetaMask extension para pondohan ang wallet mo.

Mula roon, puwede kang bumili ng crypto gamit ang debit o credit card, makatanggap ng crypto mula sa ibang account, o maglipat ng crypto mula sa isang CEX. Piliin ang opsyon na gusto mong pagsimulan; puwede ka ring gumamit ng ibang paraan anumang oras sa hinaharap.

Matuto pa

Ang kahalagahan ng SRP at password mo

Gabay sa User: Mga Swap

Mag-trade ng crypto

MetaMask Card

gabay sa mUSD