Paano bumili ng crypto sa MetaMask

Ang karanasan ng pagbili ng crypto sa MetaMask ay nag-iiba-iba depende sa kung ikaw ay nasa MetaMask Mobile o Extension. Piliin ang tamang tab sa ibaba para tingnan ang lahat ng kaugnay na impormasyon para sa bawat isa:

_Ang availability ng mga provider para sa pagbili ng crypto ay nag-iiba-iba sa pagitan ng mga bansa/rehiyon. Kung hindi ka makabili ng crypto sa MetaMask, tumingin dito para sa ilang alternatibong opsyon. _

info

Bumili ng crypto sa MetaMask Portfolio Dapp

Maari mo na ngayong i-access ang karanasan sa pagbili sa Portfolio Dapp — mag-click dito para tingnan ito. Ang proseso ay gumagana sa eksaktong paraan gaya ng 'Mobile' tab sa ibaba, kaya magpunta roon para sa isang pangkalahatang-ideya, o tingnan ang aming mga Madalas Itanong.

Mobile + Portfolio Dapp

Sa seksyong ito:

• Paano ito gumagana?
• Paano ko ito gagamitin?
• Mga FAQ

Paano gumagana ang pagbili ng crypto sa MetaMask Mobile?

Pinapayagan ka na ng MetaMask na bumili ng crypto sa pamamagitan ng button na 'Bumili' sa Extension, kung saan pipiliin mo nang maaga ang iyong mas gustong provider, at pagkatapos ay ilalagay kung magkano ang gustong mong bilhin para matingnan ang mga kaugnay na bayarin. Sa Mobile, halos binaligtad ang pagkakasunod-sunod ng proseso ng pagbili, una ipapahayag mo kung magkano ang gusto mong bilhin, pagkatapos ay magpepresenta kami sa iyo ng mga opsyon.

Ang MetaMask Mobile ay may bago at pinahusay na bersyon ng proseso ng Extension. Dati, maaari kang bumili ng crypto sa MetaMask gamit ang fiat (hal. USD, EUR, GBP, atbp.) gamit ang mga platform na kilala bilang 'on-ramps' sa pamamagitan ng ilang external provider. Ang binuo namin para sa upgrade na ito ay isang aggregator ng mga on-ramp provider, na ginagawang mas accessible, mas mabilis, at mas scalable ang proseso.

Kapag inilagay mo kung gaano ba karami ng isang token ang gusto mong bilhin, biglang lalabas ang mga integration ng MetaMask sa aming mga vetted provider, at kukuhanan ka ng mga quote mula sa bawat isa. Awtomatikong nagre-refresh ang mga quote na ito kada 10 segundo upang matuos ang mga pagtaas-baba sa presyo ng gas, na nagpapaliit sa potensyal para sa mga nabigong transaksyon (kung tumaas ang mga presyo ng gas pagkatapos isumite ang transaksyon, ang iyong naka-quote na kabuuan ay maaaring masyadong mababa para masagot ang mga gastos sa transaksyon sa oras na ma-pick up ng network ang transaksyon).

Dahil inilalagay mo ang iyong rehiyon at currency sa prosesong ito, ang mga quote na ipinepresenta sa iyo ay awtomatikong naka-configure para sa iyong mga kalagayan: kaya hindi kailangang mag-alala tungkol sa kung magagamit mo ba ang mga available na paraan ng pagbabayad sa iyong rehiyon, o kung sinusuportahan ba ng provider na iyon ang iyong rehiyon. Kung lumalabas ito sa listahan ng quote, makakabili ka ayon sa naka-quote. Madali.

Paano ko ito gagamitin?

1. Pumunta sa homepage ng iyong wallet at hanapin ang asul at pabilog na button na 'Bumili', na matatagpuan sa pagitan ng mga button na 'Tumanggap' at 'Magpadala' sa gitna ng screen. Siguraduhing kasalukuyan kang nasa network kung saan mo gustong bumili. I-tap ito para magpatuloy.

   

2. Ngayon, dadalhin ka sa menu ng pagbili, kung saan may ilang detalye kang dapat tukuyin (maaari mong punan ang mga ito sa anumang pagkakasunod-sunod, kaya huwag makaramdam ng restriksyon sa pagkakasunod-sunod na iprinesenta rito!). Ang una sa mga ito ay ang iyong** rehiyon,** na karaniwang magde-default sa iyong kasalukuyang lokasyon. Kung nagamit mo na ang feature na ito dati, ise-save ng MetaMask ang rehiyong pinili mo noong huling beses.

   Mula sa drop-down menu, maghanap o mag-scroll hanggang sa makita mo ang bansa kung saan nakarehistro ang iyong paraan ng pagbabayad (card/bank account). Mapipili ng mga user sa US ang kanilang estado pagkatapos noon. Kung ang iyong rehiyon ay hindi kasalukuyang saklaw ng kahit isa sa aming mga provider, ipapaalam namin sa iyo sa puntong ito. Maaari kang magbasa pa tungkol sa ibang mga paraan para bumili ng crypto dito.

   

3. Sa susunod na screen, piliin ang iyong paraan ng pagbabayad (maaari mo palaging i-adjust ito pagkatapos kung magbago ang iyong isip):

   

   Pumili mula sa Apple Pay/Google Pay (mag-a-adjust ito ayon sa iyong device), debit/credit card, PayPal (US lang, hindi kasama ang Hawaii), at mga bank transfer (na naka-adjust ang mekanismo ayon sa iyong rehiyon, mga detalye ng KYC, at currency: hal. ACH para sa US, Pix para sa Brazil, at SEPA para sa Europa; ang ipinapakita sa ibaba ay ang UK Faster Payments system). Siguraduhing komportable ka sa tinatayang tagal at mga limitasyon sa pagbabayad na nakadetalye sa tabi ng bawat opsyon.

4. Piliin ang token na gusto mong bilhin, gamit ang menu na Gusto mong bumili sa itaas ng screen.

5. Ilagay ang iyong gustong halaga, ibig sabihin, ang value (sa fiat) ng token na gusto mong bilhin.

   

6. Piliin ang iyong quote. Pagkatapos ng maikling paghihintay, makikita mo ang mga quote na available sa iyo batay sa iyong mga kagustuhan. Inayos ang mga ito sa descending na pagkakasunod-sunod batay sa kung gaano karaming crypto ang matatanggap mo, kung saan nasa pinakataas ang best-value. Hilahin pababa mula sa itaas ng screen para i-refresh ang mga quote.

   

   Kapag pumipili ka ng provider, maaaring kailangan mong kumpletuhin ang KYC kung hindi mo pa kailanman nagamit ang kanilang serbisyo dati.

Mga FAQ

Ano-anong mga network ang sinusuportahan?

• Ethereum mainnet
• Binance/BNB Smart Chain
• Polygon
• Avalanche (C-Chain)
• Fantom
• Optimism
• Arbitrum
• Celo
• Harmony

Ano-anong mga provider ang available?

• Transak
• MoonPay
• Sardine
• PayPal (US lang)
• Banxa
• Onramp.money
• Mercuryo

Ano-anong mga rehiyon/bansa ang saklaw?

Layon naming bigyan ang mga user sa maraming bansa hangga't maaari ng *kahit isang *opsyon para bumili ng crypto.

Sa kasalukuyan, ang mga user sa mahigit 170 bansa ay makakabili ng crypto sa pamamagitan ng kahit isang provider.

$__ ang inilagay ko. Bakit $__ lang ang natanggap ko?

Ang fiat value na ilalagay mo sa MetaMask ay palaging magiging higit pa sa value ng crypto na matatanggap mo sa huli.

Ito ay dahil kailangan mong magbayad ng ilang magkakaibang bayarin para sa bawat transaksyon. Bilang dagdag sa bayad na sinisingil ng MetaMask, kailangan mo ring bayaran ang bayad sa provider at ang gas fee para sa mga transaksyong kinakailangan para maipasok ang biniling crypto sa iyong wallet.

Makikita mo ang bayad sa provider na nakalista bilang 'bayad sa pagpoproseso' sa quote. Kasama sa numerong ito ang bayad na sinisingil ng MetaMask para sa serbisyo. Nakalista ang mga gastos sa gas sa quote bilang 'bayad sa network'.

Kumikita ba ng pera ang MetaMask mula rito?

Naniningil ang MetaMask ng 1% fee sa bawat transaksyon, na kinakalkula bilang porsyento ng fiat value na hinihiling mo.

Kaya kung $100 ang ilalagay mo, kakalkulahin namin ang aming parte sa mga fee bilang $1.

Pare-pareho ang 1% fee sa lahat ng rehiyon, paraan ng pagbabayad, provider, at token.

Kanino ba talaga ako bumibili kapag ginagamit ko ang feature na ito?

Hindi isinasakatuparan ng MetaMask ang mga transaksyong inoorder mo: ang provider (hal. MoonPay, Transak, atbp.) ang siyang tumatanggap sa iyong kahilingan at nagsasagawa ng mga kinakailangang hakbang.

Tagapamagitan ang MetaMask sa prosesong ito. Ang ginagawa lang ng MetaMask ay pangangalap ng mga quote, na nagbibigay-daan sa iyong pumili ng isa, at pagkatapos ay nagpapahintulot sa iyong orderin ang pinili mong halaga ng crypto sa pamamagitan ng provider.

Gaano katagal bago ko matanggap ang crypto ko?

Upang maipasok ang inorder mong crypto sa iyong MetaMask wallet, dapat magsagawa ang provider na pinili mo ng mga transaksyon on-chain. Nangangahulugan ito na, bilang minimum, kakailanganin mong maghintay gaano man katagal ang aabutin nito para maproseso ng network ang mga transaksyon (block time).

Kapag naisumite mo na ang iyong kahilingan, makikita mo ang nakabinbing transaksyon sa iyong aktibidad sa MetaMask.

Ano ang gagawin ko kung nabigo ang transaksyon ko?

Dahil hindi isinasagawa ng MetaMask ang iyong transaksyon, malamang na nasa mas mainam na posisyon ang provider para suportahan ka kaysa ang aming team. Sa mga sitwasyong ito, inirerekomenda naming kontakin mo muna ang kanilang mga team ng suporta.

Para sa anumang mga isyu na mararanasan mo sa mismong MetaMask (gaya ng mga problema sa pagpili ng iyong rehiyon o currency, o sa proseso ng pagbili), makipag-ugnayan sa MetaMask Support sa pamamagitan ng button na 'Magsimula ng Pag-uusap' sa page ng Suporta.

Kung nagkakaproblema ka sa paggamit ng platform ng isang provider, gaya ng mga limitasyon sa pagbabayad, mga paraan ng pagbabayad, o KYC, inirerekomenda namin sa iyong makipag-ugnayan sa kanilang mga team ng suporta nang direkta.

Paano ko papamahalaan/ide-delete ang mga account na ginawa ko sa bawat provider?

Kapag bumibili ka ng crypto sa MetaMask, hindi ka bumibili ng crypto gamit ang o mula sa MetaMask: bumibili ka sa provider na pinili mo.

Kung gusto mong pamahalaan ang anumang personal na impormasyon na hawak ng mga provider, dapat mong i-access ang platform ng provider nang direkta, mag-log in sa iyong account, at gawin doon ang mga pagbabago. Hindi kinokolekta o hawak ng MetaMask ang iyong mga detalye sa pag-login para sa mga on-ramp provider sa anumang punto sa panahon o pagkatapos ng proseso ng pagbili.

Extension

Mga Nilalaman:

• Paano bumili ng crypto sa MetaMask
• Mga available na provider, mga paraan ng pagbabayad, at mga sinusuportahang rehiyon
• Ano ang KYC?
• Mga alternatibong paraan para makapagpasok ng crypto sa iyong MetaMask wallet

Maaari kang direktang makapagpasok ng crypto sa iyong MetaMask wallet nang hindi man lang umaalis sa app, sa pamamagitan ng mga madalas na kilala bilang 'on-ramp'. Kasama sa aming mga sinusuportahang network ang:

• Ethereum mainnet
• Avalanche
• Polygon
• BNB Chain
• Fantom
• Celo
• Optimism
• Arbitrum.

Pakitandaan na hindi lahat ng provider ay sinusuportahan ang lahat ng network sa itaas. Tingnan ang impormasyong partikular sa platform sa ibaba para sa higit pang kalinawan.

Sa bawat kaso, maaari kang bumili ng native token ng network at, sa ilang kaso, mga stablecoin at/o iba pang token. Halimbawa, maaari kang bumili ng MATIC nang direkta sa Polygon, o BNB para sa BNB Chain. Kasama sa mga stablecoin na magiging available, bilang halimbawa, ang Dai, USDC, at USDT (sa Ethereum at Polygon) at BUSD sa BNB Chain.

info

'On-ramps' at 'off-ramps'?!

Ang 'ramps' ay ang mga termino sa North America para sa mga kalsadang kumokonekta sa regular na trapiko papunta ('on-ramp') at galing ('off-ramp') sa mga freeway. Ang analohiyang ito ay pinagtibay sa buong web3 upang ilarawan ang proseso ng pag-convert ng fiat currency (hal. dolyar, pounds, euros, atbp.) papunta sa crypto, at vice versa.

Dahil nakakalat ang mga user ng MetaMask sa buong mundo, nagtatransisyon kami sa mas neutral na wika para mapabuti ang kalinawan — kaya makikita mong mas madalang na naming gamitin ang terminong ito.

Paano ako bibili ng mga token?

Una, tiyaking kasalukuyang nakakonekta ang iyong wallet sa network na gusto mong bilhin.

1. Sa pangunahing screen ng Extension, i-click ang button na 'Bilhin'.
2. Makakakita ka ngayon ng screen kung saan mo maaaring piliin kung aling provider ang gusto mong gamitin. Tingnan sa ibaba para sa isang pangkalahatang-ideya kung paano nakakaapekto ang iyong rehiyon sa availability, at ang mga uri ng mga opsyon sa pagbabayad na sinusuportahan ng bawat provider.
3. Kapag nakapili ka ng provider, ire-redirect ka sa kanilang platform. Ilagay ang halaga ng fiat currency na gusto mong gastusin upang matantiya kung gaano karaming crypto ang matatanggap mo at ang mga bayarin na kailangan mong bayaran.
4. Sa yugtong ito, maaari mong baguhin ang uri ng token na iyong binibili. Tiyaking napili mo ang gusto mo.
5. Sundin ang mga prompt para makumpleto ang transaksyon.

info

Alternatibong paraan: dumirekta sa token

Maaari ka ring magpunta sa isang partikular na token sa iyong tab na 'Mga Asset', at i-click ang button na 'Bumili' na lalabas doon. Kung available na bilhin ang token sa pamamagitan ng isa sa aming mga sinusuportahang provider, maki-click mo ang button, at ipapakita sa iyo kung aling mga provider ang maaari mong pagpilian. Mula roon, pareho lang ang natitirang bahagi ng proseso ng pagbili!

Dahil ang token deposit sa iyong wallet ay isang regular na transaksyon sa blockchain, kakailanganin mong maghintay na maproseso ng network ang transaksyon. Bagama't hindi ito matagal, maaaring hindi ito mabilisan, kaya huwag mag-alala!

Kung kumpleto na ang iyong transaksyon at hindi mo nakikita ang mga token sa iyong wallet, tiyaking naidagdag mo ang token sa MetaMask. Tingnan ang aming artikulo para sa karagdagang gabay tungkol dito.

Anong mga provider at paraan ng pagbabayad ang available?

Bawat isa sa aming mga provider na nagbibigay-daan sa iyong bumili ng crypto ay sumailalim sa isang komprehensibong teknikal na integration para masiguradong gumagana ang kanilang mga solusyon nang maayos at secure sa MetaMask. Kasama sa mga available na vendor ang:

Transak

Mga sinusuportahang lokasyon: Sinusuportahan ng Transak ang 100+ bansa.

Mga opsyon sa pagbabayad: Maaari kang bumili gamit ang credit/debit card o bank transfer (depende sa lokasyon). Sinusuportahan din ang mga paraan ng pagbabayad na partikular sa rehiyon gaya ng mga SEPA transfer (Europe), MobiKwik (India), at ang sistema ng bank transfer ng UK Faster Payments. Sinusuportahan din ang Apple Pay/Google Pay/Samsung Pay.

Mga sinusuportahang network: Lahat ng sinusuportahang network: Ethereum, Avalanche, Polygon, BNB Chain, Celo, Arbitrum, Optimism, at Fantom.

MoonPay

Mga sinusuportahang lokasyon: Available sa 140+ bansa sa buong mundo. Kasalukuyang walang pinapanatiling isang listahan ng mga sinusuportahang bansa ang MoonPay. Kung sinusuportahan ang iyong rehiyon, mapipili mo ang MoonPay sa MetaMask.

Mga opsyon sa pagbabayad: Sinusuportahan ang debit/credit card at mga bank transfer, Pix para sa mga may Brazilian bank account; available din ang Apple Pay at Google Pay sa Mobile (hindi sinusuportahan ang Samsung Pay).

Mga suportadong network: Ethereum, Binance Chain, Polygon, Avalanche, at Celo.

Coinbase Pay

Ang Coinbase Pay, na sinusuportahan mula sa Extension v10.16.2, ay nag-aalok ng bagong paraan para sa pagbili ng crypto nang direkta sa loob ng MetaMask, at bahagyang naiiba sa aming iba pang mga provider.

Kung isa kang existing Coinbase user, maaari mong gamitin ang Coinbase Pay para direktang bumili ng mga token sa MetaMask. Maa-access mo ang iyong Coinbase account at naka-save na mga detalye ng pagbabayad at makakabili ng crypto gaya ng karaniwan mong ginagawa sa Coinbase Exchange. Madedeposito naman ito nang direkta sa iyong MetaMask wallet, na nag-aalis sa pangangailangan na ilipat ito nang hiwalay.

Maaari ka ring maglipat ng anumang mga pondo na nasa iyong Coinbase wallet na (ang mga wallet kung saan pumapasok ang binili mong crypto sa exchange; na hindi dapat mapagkamalang Coinbase Wallet).

Mga sinusuportahang lokasyon: Para sa parehong mga transfer at direktang pagbili, available ang Coinbase Pay sa lahat ng bansa maliban sa Japan, Singapore, at Canada. Pakitingnan ang rehistro ng Coinbase ng mga sinusuportahang rehiyon para sa karagdagang impormasyon.

Mga opsyon sa pagbabayad: Mga user lang sa US: mga ACH transfer at credit/debit card. Para sa mga user sa ibang lugar, inirerekomenda naming bumili ka sa Coinbase at gamitin ang transfer method. Umaasa kaming makapagdagdag ng suporta para sa mga debit card sa karamihan ng iba pang mga bansa sa lalong madaling panahon.

Mga sinusuportahang network at token: Ethereum at Avalanche (para sa parehong mga transfer at pagbili).

Para sa karagdagang impormasyon sa mga patakaran, bayarin, at availability ng bawat provider, inirerekomenda naming suriin mo ang kanilang mga support page:

• Transak
• MoonPay
• Coinbase

Ano ang KYC?

Ang ibig sabihin ng KYC ay "Know Your Customer", at tumutukoy ito sa isang proseso kung saan nangangalap ang mga platform ng patunay ng pagkakakilanlan ng user. Sa pangkalahatan, mandatory ang KYC sa ilang partikular na rehiyon at para sa ilang partikular na serbisyo upang makamit ng provider ang panregulatoryong pagsunod. Sa pamamagitan ng pagkuha ng mga detalyeng ito, mahalagang ginagawa ng platform ang nararapat na pagsusumikap nito upang matiyak na hindi ka kasali sa aktibidad na kriminal, gaya ng money laundering o pandaraya.

Depende sa iyong lokasyon at paraan ng pagbabayad na pipiliin mo, maaaring kailanganin mong isumite ang sumusunod (o iba pang paraan ng patunay) upang makumpleto ang iyong transaksyon:

• ID (hal. passport o valid ID card)
• Patunay ng address
• Isang selfie o video ng iyong sarili.

Ang partikular na gabay sa mga kinakailangan ng KYC ay malinaw na idinetalye ng aming mga provider sa punto ng pagbili.

Anong iba pang mga paraan ang maaari kong gamitin para makakuha ng mga token?

Bilang kahalili, kung may gustong magpadala sa iyo ng mga token, o mayroon kang ilan sa ibang account o wallet na gusto mong ipadala sa iyong kasalukuyang wallet, tingnan kung paano mo maidirekta ang deposito: Paano magdeposito (makatanggap) ng mga token sa iyong MetaMask Wallet.

Para sa isang alternatibong paraan upang bumili ng mga token, maaari mong suriin ang mga palitan ng cryptocurrency na tumatakbo sa iyong bansa dito.\

---